Recala na Coruña un dos cruceiros máis sostibles do mundo

O porto da Coruña ten confirmadas para este ano 160 escalas de cruceiros, un sector que segue medrando e batendo marcas temporada tras temporada.

Este sábado recalou por primeira vez na cidade o MSC Euribia, o terceiro transatlántico máis grande do mundo e un dos máis avanzados en eficiencia enerxética.

O MSC Euribia navega con algo máis de 4.000 pasaxeiros a bordo, propulsado por gas natural licuado, actualmente o combustible mariño máis limpo.

Este barco de máis de 330 metros de eslora é un dos cinco que recalará na Coruña en xaneiro e unha das 160 escalas xa confirmadas ata decembro.

As previsións da Autoridade Portuaria indican que 2024 será outro ano de récord. En 2024 desembarcarán na Coruña máis de 350.000 turistas.