Recibe a alta a nena de Togo operada no Álvaro Cunqueiro

A vitalidade de Chaki é boa mostra da súa recuperación. Hai once meses chegou a Vigo para ser intervida dunha malformación colorrectal no Hospital Álvaro Cunqueiro coa ONG Terra de Homes. 

A súa cirurxiá, Margarita Montero, explica que en España a nena xa sería operada antes do ano de vida, e aguantou ata os dous anos, que puido ser trasladada a Galicia.

Na súa recuperación, ademais do persoal sanitario, tivo moito que ver a súa familia de acollida e en especial a súa irmá Sabela. Esta mesma semana Chaki regresará á súa casa en Togo.