Reclaman a limpeza dun monte por medo aos incendios en Baiona

Os eucaliptos e a maleza medran sen límite nun monte pegado a varias vivendas na parroquia de Sabarís, en Baiona. Os veciños, ante a seca que se está a vivir, temen que de producirse un incendio, o lume chegue ás casas.

Din que hai xa dous anos que presentaron unha reclamacón no Concello e que ademais do lume, os eucaliptos interfiren no sinal da televisión.

Desta vez, dende o Concello de Baiona volveron poñerse en contacto con eles e os afectados agardan que agora si se faga efectiva a limpeza do monte ante o risco de incendios.