Recolocan a pasaxe dun rexional entre Santiago e Vigo por falta de espazo

Decenas de pasaxeiros dun tren rexional que partiu este venres da Coruña con destino Vigo-Guixar quedaron máis dunha hora en Santiago agardando por autobuses para completar a súa viaxe ata Pontevedra e Vigo.

Aseguran que o convoi chegou a Santiago con dous vagóns, cando debía levar tres, o que obrigou a apear do tren parte da pasaxe cando xa se atopaba a bordo. Despois de máis dunha hora esperando os autobuses que os levarían, foi recolocada no AVE Madrid-Vigo.