Reconstrúen o accidente que lle custou a vida a un home de 36 anos en Cangas

Esta mércores tivo lugar en Cangas a reconstrución policial do accidente que o venres pasado lle custou a vida a un veciño de 36 anos. O presunto responsable, que deu positivo nas probas de alcol e drogas, permanece en prisión provisional.

Os traballos para a reconstrución do accidente comezaban na zona da praza de abastos pouco despois das 10 da mañá. A Policía Local de Cangas cortaba o tráfico na zona onde ocorreu o sinistro para marcar os puntos onde aínda había pegadas do sinistro.

É a primeira vez que a Policía Local de Cangas leva a cabo unha actuación deste tipo. Foi posible grazas á participación da Academia de Seguridade, que fixo voar un dron para tomar imaxes e realizar medicións. Percorreu a zona da persecución ata o lugar en que o causante do accidente impacta contra o falecido.     

Posteriormente escanearon os vehículos para coñecer os máximos datos posibles sobre as circunstancias do sinistro. 

O detido permanece no cárcere da Lama e está investigado por homidicio doloso.

O falecido, Miguel Pereira, recibiu este mércores unha homenaxe de veciños e amigos, no día en que cumpriría 37 anos.