Cargando resultados...
Remata un San Froilán multitudinario con longas esperas nas casetas do polbo e a cidade ateigada
Remata un San Froilán multitudinario con longas esperas nas casetas do polbo e a cidade ateigada
As casetas estiveron cheas e houbo que agardar case dúas horas para comer o polbo
G24.gal
12/10/2023 19:40
Última actualización 12/10/2023 20:55
As ringleiras de xente durante todo o día para cumprir coa tradición de comer o polbo son a mellor proba de que este San Froilán que remata foi multitudinario, cunha grande afluencia de turistas de moitos puntos de España.
Moitos din que non hai nada igual ca o San Froilán. E este ano, ademais, o tempo máis ben estival foi o mellor aliado da chamada festa grande do outono galego.
Ademais do polbo ou os carruseis, as rúas estiveron ateigadas para desfrutar das feiras de artesanía ou a medieval. Remata o programa de actividades, pero as atraccións seguirán ata o sábado e as casetas do polbo ata o 1 de novembro.
