Dimiten o presidente de Renfe e a secretaria de Estado de Transportes, a galega Isabel Pardo de Vera
Dimiten o presidente de Renfe e a secretaria de Estado de Transportes, a galega Isabel Pardo de Vera
Dimiten o presidente de Renfe e a secretaria de Estado de Transportes, a galega Isabel Pardo de Vera
A ministra acepta a súa saída pola crise dos trens en Asturias e Cantabria
Raúl Blanco substituirá a Táboas e David Lucas a Pardo de Vera
O cesamento de dous cargos técnicos non foi suficiente. A polémica dos trens que non cabían polos túneles de Asturias e Cantabria acabou forzando a saída de dous altos cargos.
A ministra Raquel Sánchez aceptou a dimisión da súa número dous, a secretaria de Estado de Transportes, a galega Isabel Pardo de Vera, e a do presidente de Renfe, Isaías Táboas.
"Hai momentos na política en que toca asumir responsabilidades", asegurou a ministra.
Raquel Sánchez agradeceu publicamente o traballo que desempeñaron Pardo de Vera e Táboas. As dimisións déronse a coñecer coincidindo coa reunión da ministra cos presidentes de Asturias e Cantabria.
"Son dimisións, non cesamentos, pero en política xa sabemos que son esas dimisións", dixo Miguel Ángel Revilla.
"Depuradas as responsabilidades por parte do ministerio ao asumir esas dimisións, o que nos quedou nesta reunión foi centrarnos nas compensacións", explicou o presidente do Principado, Adrián Barbón.
En compensación as viaxes de proximidade serán gratis en Asturias e Cantabria ata que cheguen os novos trens en 2026. A ministra de Transportes pediu desculpas polo ocorrido.
"Houbo erros iniciais e tardouse en dar resposta a un problema complexo", dixo Raquel Sánchez.
O Consello de ministros aprobará este martes os nomeamentos de David Lucas e Raúl Blanco en substitución de Pardo de Vera e Isaías Táboas.
