Ringleiras de xente na 'Dona Manolita galega' para facerse cun décimo do Nadal

Algunhas administracións de lotaría vense avaladas polos seus resultados históricos, polo seu amorío coa fortuna ano tras ano.

Dende o 2019 na X da Sorte, no Porriño, venderon cinco gordos da lotaría do Nadal. Pode ser sorte ou pode ser estatística.

Venden moito, moitos números e toca máis. Por iso dende hai días xa se forman ringleiras de soñadores da fortuna. O chat GTP prognosticou o 20204. E loxicamente está esgotado. 

"Está máis que esgotado. A intelixencia artificial foi a que ditaminou que este ano pode ser o Gordo, o que antigamente facían meigos, bruxos... A terminación en 13 é a máis solicitada. O 24 por estar no ano no que estamos. E moita xente está a pedir os números de Valencia, polo tema da DINA, porque despois dun suceso tráxico a ver e trae boa sorte. Pero sobre todo, décimos que xoguen nas administracións de alí, de Valencia", conta á TVG Benjamín Martínez, loteiro da X da Sorte de Porriño.

Ata aquí, ata Porriño, vén xente de toda Galicia, e de toda España, animada pola historia de amor entre a fortuna e esta administración, á que xa lle chaman a 'Dona Manolita galega'.

Porque nesta casa o cava está xa a arrefriar. Teñen o bo costume de axitalo o 22 de decembro. Así é dende o 2019.