Un libreiro de Lugo regala 100 décimos da lotaría de Nadal

Nesta libraría de Lugo con despacho de loterías argallan cada Nadal un particular repartimento de décimos. Adoitaban escondelos no barrio e dar pistas para a súa localización pero agora cambia a dinámica. Xa non é un xogo para quen teña folgos en participar, senón un regalo directo para quen o ten ben merecido.

"Imos agasallar 100 décimos, repartilos entre familias deste barrio de San Antón. Nós coñecemos moitas historias que hai detrás destas familias que nos anos 80 e 90 pasaron moitas dificultades", explica o promotor da iniciativa, Fernando Toubes.

Cun número con gran significado, o mes e o ano de apertura da libraría, a iniciativa esperta ledicia e grande acollida entre os veciños deste barrio de San Antón.

Estes días comezan os esperados encontros coas familias seleccionadas ás que para pola rúa. 

"A sorpresa é cando os atopo na rúa e llelo comunico. É un encontro moi emocionante porque eles saben porque é. Merecen esa homenaxe e pedímoslles a dirección e meterémoslle o sobre co décimo por debaixo da porta para que teñan o seu agasallo", relata Fernando Toubes.

Este particular aguinaldo que agora prepara coarase baixo as portas dos 100 agraciados nos vindeiros días co desexo de achegarlles a sorte a todos eles.