Rescatados os 14 tripulantes dun buque de Burela afundido en Guipúscoa
Rescatados os 14 tripulantes dun buque de Burela afundido en Guipúscoa
Os 13 mariñeiros e o patrón do barco son galegos
Foron rescatados en bo estado e foron trasladados ao porto de Pasaia por Salvamento Marítimo
O María Reina Madre sufriu unha vía de auga cando andaba á pescada
Unha dotación de Salvamento Marítimo e unha patrulleira da Garda Civil rescataron esta mañá os 14 mariñeiros do pesqueiro María Reina Madre cando se atopaba navegando fronte ás costas guipuscoanas.
O barco, con base no porto galego de Burela, atopábase a unhas nove millas ao norte de San Sebastián cando activou a chamada de emerxencia por unha vía de auga, que tras varias horas acabou provocando que afundise fronte á costa de Guipúscoa.
Os 14 tripulantes abandonaron o pesqueiro e tiráronse ao mar na balsa salvavidas onde foron rescatados por Salvamento Marítimo e trasladados ao porto de Pasaia
O patrón maior de Burela, Basilio Otero, confirmou que "toda a tripulación se atopa ben" e aclarou que se trata dun “barco dun armador de Burela, con bandeira francesa” porque pesca pescada fronte á costa gala.
O pesqueiro, que está semiafundido, tiña unha grande escora a estribor e a máquina asolagada. A patrulleira Río Sela da Garda Civil monitorizaba a situación na zona.
Capitanía Marítima analizaba a situación para decidir se era posible que o barco recobrase a flotabilidade no lugar onde se atopaba ou se o podía remolcar o buque María de Maeztu de Salvamento, mobilizado na zona.
Non obstante, finalmente contra ás dúas e media da tarde o barco afundiu como confirmaba Salvamento Marítimo.
➡️14.31h: El pesquero se hunde 10 millas al NW Hondarribia (zona SAR francesa)
— SALVAMENTO MARÍTIMO (@salvamentogob) February 9, 2024
Medios en zona:
Salvamar Orión
Remolcador Facal 19 contratado por el Armador. Una vez contratado este buque se desmovilizó el buque de SASEMAR María de Maeztu
Helimer 211
Río Sella @guardiacivil pic.twitter.com/jmouSx9yQ0
O María Reina Madre, un pesqueiro de 25 metros de eslora, saíu a pasada noite do porto burelao, e segundo confirmou o Delegado do Goberno País Vasco, Denis Itxaso, dirixíase a Pasaia para unha revisión técnica "periódica e ordinaria" para logo seguir navegando ata augas francesas para traballar.
