Rescatan tres golfiños varados na enseada que separa Boiro e Rianxo
Rescatan tres golfiños varados na enseada que separa Boiro e Rianxo
Unha mariscadora da confraría de Rianxo avisou da presenza dos animais
Colaboraron no rescate os equipos da CEMMA, emerxencias de Boiro e a confraría de Rianxo
É o final feliz dunha historia que podería terminar de xeito moi distinto se non fose pola rápida actuación dos que participaron no rescate dos tres arroaces. Tiveron a sorte de que os atoparan cando estaban nunha situación moi delicada.
"Unha mariscadora da confraría de Rianxo viu os golfiños varados na enseada que separa Rianxo e Boiro, deu o aviso o 112, que mobilizou o CEMMA e emerxencias de Boiro, coa axuda da confraría lograron capturar eses delfíns", conta Raúl Treus, delegado de Medio Ambiente en Boiro.
Sacáronos da zona onde estaban varados e achegáronos ata terra para comprobar que estaban en boas condicións para soltalos no mar.
"Lévaronos ao peirao, onde lle fixeron as analíticas e comprobaron que estaban ben".
Logo leváronos ao interior da ría para soltalos nun sitio seguro. Segundo os técnicos, nesta zona é frecuente que ocorran casos semellantes, pero con peores desenlaces.
"Varan moitos e aparecen nas praias, pero mortos. É positivo que se avise con tempo e que se poida actuar sobre eles para recuperalos".
É o que fixeron neste caso e, grazas a iso, lograron o éxito no rescate dos tres golfiños.
