Reservar para viaxar ás illas Cíes en agosto é case imposible

Os que queiran viaxar ás illas Cíes no mes de agosto téñeno complicado.

Os que o fixeron estes días reservaron hai meses e agora só quedan unhas poucas prazas.

Ata o día 24 é imposible acceder aos grupos guiados e para as visitas libres non hai praza ata o 27. 

 E é que cada verán as Cíes son un dos destinos favoritos dos que nos visitan. Turismo nacional e internacional e algúns incluso repiten. No seu regreso ao porto de Vigo puidemos constatar que é unha visita que nunca defrauda.

Todos coinciden na beleza das illas, da súa paisaxe, das súas praias e só se queixan da temperatura das súas augas cristalinas. 

Cada día ofrécense 1.800 prazas para viaxar as Cíes baixo unha estrita supervisión da Xunta de Galicia e co obxectivo de preservar o ecosistema das illas.

Regúlase así o acceso e tamén se asegura que os visitantes respecten o parque natural.