Rufo e Yelko volven marcar no triunfo do Pontevedra (1-2)

O Pontevedra mantén o ritmo do Ourense C. F. e do Zamora como os tres grandes candidatos ao ascenso a Primeira Federación. Nunha saída complicada conseguiu a vitoria por 1-2 no campo da Ximnástica de Torrelavega.

Marcaron os de sempre. Rufo, que xa leva 13 goles, Yelko, que con 7 goles está a asinar a mellor temporada realizadora da súa vida. Polo medio recortara diferenzas o equipo cántabro que está afundido nos postos de descenso.