Salva Sevilla: "Temos un mes moi ilusionante, con partidos que son finais"

Salva Sevilla cualifica o mes de xaneiro de "moi ilusionante", cos catro partidos que o Deportivo afrontará fronte aos catro primeiros clasificados do Grupo 1. Real Sociedade B, Cultural Leonesa, Ponferradina e Celta Fortuna serán as duras e determinantes probas de lume da escuadra coruñesa neste primeiro mes de 2024.

Unhas citas que o veterano mediocampista afirma que deben "afrontar coma se fosen finais", xa que, como asegurou esta mañá en rolda de prensa, "xogamos contra rivais directos, rivais que van por encima nosa e é a forma máis rápida de recortar puntos. Sumar ti de tres e que eles non o fagan nesa xornada".