Samertolameu acada o ascenso á Liga ACT no Play off de Portugalete

Samertolameu defendeu o segundo posto acadado na primeira quenda do play off gañando a segunda, celebrada tamén en Portugalete. A traiñeira de Meira marcou o mellor rexistro para suybir ao máis alto da táboa desta eliminatoria con nove puntos, os mesmos que Lekittarra que, deste xeito, mantén a súa praza na máxima categoría do remo.

Bueu, que comezaba esta serie definitiva co terceiro posto de onte, repetiu esa mesma praza, o que a deixa de terceira, ás portas dun ascenso histórico. A temporada que ven volverá optar ao título da Liga Galega.

Na resolución da Liga Euskolábel Urdaibai non deixou lugar a dúbidas, gañou a última regata da temporada (chegáballe co segundo posto) e fíxose co título. Despois de tres anos sen conseguilo volveu a erguer a Coroa o equipo máis laureado dos 20 anos da ACT.