Santiago acolle o primeiro encontro de persoas acollidas, adoptadas e extuteladas
Santiago acolle o primeiro encontro de persoas acollidas, adoptadas e extuteladas
É o primeiro evento destas características que se celebra en España
O obxectivo é tecer redes de axuda, intercambiar vivencias e traballar por obteren máis visibilidade
A Cidade da Cultura acolle un encontro de persoas acollidas, adoptadas e extuteladas. É a primeira que vez que se reúnen estes tres colectivos nun evento destas características en España.
Na primeira xornada compartiron as súas visións da maternidade e a paternidade. Comezaron a compartir medos e alegrías, historias pouco faladas aínda. No encontro intercambian experiencias e aprenden os uns dos outros, pero reclaman máis visibilidade no cine, nos medios.
Organizado por Manaia e pola Coordinadora de Asociacións de Adopción e Acollemento (CORA), o evento serve para que se poidan reunir sen xuízos, sen familiares nin técnicos, e sentir que unicamente elas e eles son os protagonistas.
Cóntannos a súa historia tres dos participantes. Son Kai, que vén de Valladolid e viviu de acollida; Leyao, nada na China e adoptada por unha familia de Tarragona; e Jason, outro exemplo de adopción internacional que provén de Colombia e creceu en Valencia.
