A IA di que Santiago é unha das cidades máis bonitas de España

Non é a primeira vez que Santiago figura nunha selección entre as cidades máis bonitas de España. Desta volta foi a intelixencia artificial quen a elixiu a través dunha das súas ferramentas máis de moda, o Chat GPT que é quen de dar resposta a calquera cousa que se lle pregunte.

 "Imaxino que ten un banco de datos moi grande que recollerá pois case toda a información que hai actualmente en Internet e a partir dos datos reinterpreta e contesta ao que ti mandes", explica un rapaz.

E o que lle pediron foi elixir as cidades máis bonitas de España, e parece que deu na diana.

"Vimos facendo un tour o meu fillo e eu dende Madrid, parando en diferentes puntos ata chegar aquí a Santiago, e como Santiago non hai dúas, é diferente, o espírito é diferente", apunta unha turista chegada de California

Na recensión que fai o Chat GPT sobre a cidade menciona sobre todo o seu monumento máis emblemático.

 "É unha catedral impresionante", comenta outra que vén dende Turquía

 "Dáme unha paz interna, sinto coma se estivese na casa", engade unha visitante de León.

A catedral de Santiago é foco de todas as miradas, pero non o único. A choiva segue sendo arte.

"A comida moi rica e as persoas moi chévere", conta unha rapaza venezolana.

 "E a choiva dá un ambiente moi interesante", fala un rapaz californiano.

 "As súas rúas, todo, a xente, todo en xeral aínda que chova, dáme igual", di a leonesa.

 "Moi, moi fermoso, todo", insiste a rapaza venezolana.