Sara Vila, escritora: "A vida dunha muller é unha carreira de obstáculos contra o medo"

"Os segredos teñen caducidade. Antes ou despois desvélanse e deixan á vista todo que quixemos agochar… as cousas que mantemos ocultas falan de nós. Dos nosos medos, inseguridades e vergoñas".  

Estes segredos son os que se contan en '8 días sen Eva Cortes', a crónica da desaparición dunha muller en Pontevella na pel dunha xornalista moi noviña, no que será sen dúbida o caso da súa vida, ou o caso que lle cambiou a vida.