Sergi García, base do Breogán, convocado para o Preolímpico de Valencia

A presenza de Álex Abrines, Willy Hernangómez, Lorenzo Brown, Sergio Llull, Juan Núñez, Santi Aldama, Usman Garuba e o base do Breogán Sergi García, son as principais novidades na lista de 22 xogadores facilitada polo seleccionador español Sergio Scariolo para o Preolímpico que se disputará en Valencia entre o 2 e o 7 de xullo, así como para os amigables previos ante Italia (25 de xuño en Madrid) e República Dominicana (28 de xuño en Alacante).

Ademais cáense da convocatoria por razóns de índole persoal xogadores como Ricky Rubio, Sebas Saiz ou Víctor Claver con respecto á convocatoria máis recente para os partidos ante Letonia e Bélxica, da fase de clasificación do Eurobasket 2025, disputados no mes de febreiro