Alfonso Rueda anuncia 3.400 novas prazas para educación infantil
Alfonso Rueda anuncia 3.400 novas prazas para educación infantil
Tamén anunciou que o Consello da Xunta deste xoves aprobará outra edición dos bonos activa comercio, mobilizaranse 17 millóns de euros e beneficiaranse 160.00 persoas con 30 euros de desconto no pequeno comercio
Pontón pídelle a Rueda que convoque o debate do estado da nación galega
O voceiro socialista di que o sistema educativo galego ten dez debilidades, entre elas, que a taxa de abandono é das máis altas en Europa
O presidente da Xunta, Alfonso Rueda, anunciou este mércores unha nova liña de investimento cos concellos que permitirá un incremento de 3.400 prazas novas para educación infantil.
Así o avanzou o mandatario autonómico na sesión de control no Parlamento galego, en que destacou a importancia desta iniciativa, que recibirá luz verde na reunión do Consello que terá lugar mañá e que, dixo, permite “conciliar as familias e fai progresar ao país”.
Galicia contará con 35.000 prazas neste ciclo educativo, resumiu. “Máis conciliación significa máis emprego”, sinalou respecto diso o xefe do Executivo, que comprometeu que o seu Goberno seguirá traballando nesta liña, como se reflectirá, anticipou, nos orzamentos que están a elaborar para 2023.
Rueda anunciou tamén na sesión de control á que se someteu no Parlamento de Galicia que o Consello da Xunta deste xoves aprobará outra edición dos bonos activa comercio, mobilizaranse 17 millóns de euros e beneficiaranse 160.00 persoas con 30 euros de desconto no pequeno comercio.
Plan estratéxico
O Parlamento aproba o plan estratéxico 2022-2030, a folla de ruta para as políticas que se desenvolverán na nosa comunidade nos próximos oito anos.
O plan saíu adiante co voto favorable do grupo popular e con poucos acordos; algo que criticaron dende todos os grupos. So se aprobaron as tres propostas dos populares e o 10 % das propostas presentadas polos socialistas, a maioría relacionadas coa investigación, coa saúde mental ou a mobilidade.
As propostas presentadas polo BNG foron rexeitadas.
Minuto a minuto
Comeza a sesión de control ao presidente da Xunta
Luís Álvarez comeza a súa intervención
O voceiro socialista di que o sistema educativo galego ten dez debilidades, entre elas, que a taxa de abandono é das máis altas en Europa
Álvarez pregúntalle a Rueda que que valoración fai do inicio do curso escolar, se foi ou non caótica
O presidente da Xunta respóndelle ao voceiro socialista e dille que quedou moi satisfeito coas explicacións que deu o conselleiro de Educación este martes no Parlamento de Galicia
Rueda di que Galicia inviste 6.000 euros ao ano por alumno
Rueda dille a Álvarez que "vostedes pechaban 20 centros ao ano en plena bonanza económica e o abandono escolar estaba no 25 %".
O presidente da Xunta afirma que a semana pasada visitou un centro público no inicio do curso escolar e que a situación non era caótica
Remata a intervención do presidente da Xunta e Luís Álvarez respóndelle
Álvarez: "Venden vostedes como éxito algo que funciona en toda España e o índice de abandono escolar en 2009 era xa inferior que a media española".
O voceiro socialista dille a Rueda que se reúna cos representantes do profesores
Remata a intervención de Luís Álvarez e intervén o presidente da Xunta
Rueda manifesta que os investimentos son importantes e que coa cultura do esforzo conséguense bos resultados
Rueda afirma que en Galicia se ampliarán os contidos en Filosofía e Historia
Remata a intervención de Rueda e comeza a quenda de Ana Pontón
Pontón di que Rueda non é consciente de que os galegos o están pasando moi mal e que os salarios e pensións valen un 11 % menos
Pontón a Rueda: "Vostedes están presos da estratexia electoral que lles marca o PP dende Madrid".
Pontón: "O que vivimos en Sanidade este verán foi moi lamentable".
Pontón pregúntalle a Rueda que "que vai facer o seu goberno para darlle resposta as necesidades dos cidadáns?"
Remata a intervención de Pontón e o presidente da Xunta respóndelle
Rueda manifesta que o BNG sempre está cun discurso catastrofista e que crean inquedanzas
Rueda dille a Pontón que a Xunta xa adoptou medidas de axuda ás familias como a eduación infantil gratuíta, o transporte público gratuíto para os menores de 21 anos ou tres novas vacinas para os nenos.
Remata a intervención de Rueda e Pontón respóndelle
Pontón di que o que lle preocupa é que Rueda está desconectado da realidade e bótalle en cara que houbese altos cargos do PP no palco vip no concerto de C. Tangana
Pontón manifesta que "é un desbaldimento gastar 2,5 millóns de euros no concerto de C. Tangana coa que está caendo".
Pontón pídelle a Rueda que convoque o debate do estado da nación galega para que cada grupo presente as propostas que teñen
Quenda de Rueda para o peche da pregunta de Pontón
Rueda: "A vostedes moléstalles moito o Xacobeo porque cren que é un éxito que se lle pode asociar ao Goberno"
Rueda dille a Pontón que se investiron 200 millóns de euros máis en atención primaria que cando eles gobernaban
Rueda manifesta que na sanidade pública hai 42.000 profesionais, 6.500 máis que cando gobernaba o BNG.
Rueda: "Seguiremos pedíndolle ao Goberno central que se convoquen as prazas MIR extraordinarios necesitamos o seu apoio".
Alfonso Rueda anuncia que o Consello da Xunta deste xoves aprobará outra edición dos bonos activa comercio, mobilizaranse 17 millóns de euros e beneficiaranse 160.00 persoas con 30 euros de desconto no pequeno comercio.
Rueda afirma que se lanzará unha nova liña de investimento para traballar cos concellos e crear 3.400 novas prazas en educación infantil.
Remata a sesión de control ao presidente da Xunta e continúa o Pleno no Parlamento de Galicia
.png)
.png)
