Sete mozos de Malí residentes na Coruña denuncian a demora na obtención de asilo

Sete mozos de Malí que viven na Coruña levan desde novembro do ano pasado esperando que lles concedan protección internacional. Fuxiron do seu país en guerra, e chegaron a Tenerife nunha embarcación. Dende aí foron trasladados ata distintos puntos do país.

Ata esta semana, medio ano despois, non lles deron cita na Oficina de Asilo da Coruña. Pídenlle á Delegación do Goberno que "aceleren os trámites para obter a protección internacional, á que temos dereito. Queremos poder traballar como os compañeiros malianos que chegaron na nosa mesma embarcación".