Un veciño de Sada viaxa a Polonia para levar axuda humanitaria e recoller refuxiados ucraínos
Un veciño de Sada viaxa a Polonia para levar axuda humanitaria e recoller refuxiados ucraínos
José pide colaboración a quen queira sumarse á súa iniciativa e poder rescatar máis persoas
Con moita ilusión e cheo de ganas, José vai percorrer, en cuestión de horas, máis de 3.200 quilómetros que separan Sada da fronteira de Polonia con Ucraína. Agarda facelo con, polo menos, outra persoa que lle vai facer de tradutor e co que poderá intercambiarse ao volante.
Farán a viaxe cun gran cargamento de alimentos e produtos de primeira necesidade, e de volta transportarán, polo menos, sete mulleres e nenos ucraínos. Porén, agarda poder traer máis. E para iso di que non pide cartos, pero si quen se sume á súa iniciativa.
Así que, calquera que estea interesado en sumarse á súa misión solidaria, pode contactar con José neste enderezo electrónico: tujefete@gmail.com