Cargando resultados...
Un veciño afectado pola explosión de Paramos recibe unha doazón para reconstruír a súa vivenda
Un veciño afectado pola explosión de Paramos recibe unha doazón para reconstruír a súa vivenda
Problemas para poder acreditar que era o seu propietario impedíronlle cobrar unha parte das axudas
G24.gal
23/11/2021 13:49
Por fin Álex poderá reconstruír o pouco que tiña cando a explosión de Paramos levou por diante a súa vivenda.
Problemas para poder acreditar que era o seu propietario impedíronlle cobrar unha parte das axudas que se achegaron aos afectados. Sen elas foi imposible para el acometer a reconstrución da casa.
Agora os seus cascallos converteranse nunha vivenda digna grazas á doazón que recibirá dos fondos da Asociación de Afectados de Paramos.
A solidariedade é o nexo común da orixe e do destino dos 30.000 euros que farán posible reconstruír algo máis que unha casa, unha vida.
