Sorpresa nun restaurante de Muxía: aparece outra perla nunha ameixa

Son ameixas xapónicas, veñen da Arousa e calquera podería traer premio. Nesta cetaria de Muxía este ano levan ata 6 ameixas con perla. A última foi nun restaurante, onde non hai nin dez días que se repartiu outra.

As perlas valen entre 900, 2.000 e 3.000 euros dependendo do tamaño, da cor e da forma que colla, porque é un produto natural. José Carlos Alcalde, administrador dunha cetaria, explica como se forman, sendo "unha impureza que se mete dentro do bivalvo e este recúbreo cunha segregación anacarada que produce a perla".

Máis alá do valor que teñan as perlas, aquí teñen ilusión por seguir repartindo alegría. Esperan que sexa ademais unha boa campaña para consumir marisco galego na Costa da Morte.