Sorpresa veciñal ante a interveción artística nun paso subterráneo de Vigo

A. P. Stosa Galery é un novo e misterioso espazo artístico que xurdiu no pasadizo subterráneo que comunica as rúas viguesas de Camelias e Ourense. A intervención sorprendeu e gustou aos veciños da zona acostumados a atopar este paso cheo de sucidade. 

Xerou moita curiosidade pero sobre todo dúbidas e apostas de todo tipo sobre a súa posible autoría. Hai quen di que foi cousa do alcalde, quen aposta por unha estratexia publicitaria,  por unha provocación artística ou quen asegura non ter idea. 

Segundo o seu horario, pecha o Xoves Santo e o vinte de abril para liquidar o IVE, pero o resto do mes están a tempo de visitar esta galería e opinar sobre a súa calidade artística ou a súa capacidade de sorprender.