Tellado pídelle a Pedro Sánchez un cara a cara con Yolanda Díaz sobre Cataluña

O Partido Popular acusa a Pedro Sánchez de facer unha precampaña electoral nos estudios de televisión para evitar enfrontarse "aos problemas reais que ten a sociedade".

Na presentación da candidatura pola provincia da Coruña, Miguel Tellado dixo que un cara a cara do presidente coa ministra Irene Montero, outro coa vicepresidenta Yolanda Díaz e un máis con Arnaldo Otegi permitiría confrontar  "distintos puntos de vista".

Tellado acusou o Goberno central de maltratar a Galicia. Asegurou que a candidatura que el encabeza na Coruña forma un equipo preparado para traballar dende o primeiro momento.