Podería haber terceiras persoas implicadas na desaparición do ancián de Abadín

Novidades respecto ao ancián de Abadín que falta da súa casa desde hai 21 días e ao que durante varias xornadas buscaron polos arredores da aldea de Quende. Agora, manéxase a posibilidade de que a desaparición non fose voluntaria nin por un despiste, senón que se deba á implicación de terceiras persoas.

Na mesma noite da desaparición ardeu un coche nunha gasolineira de Ribadeo que estaba abandonada. Hai indicios de que ambos os dous asuntos poden estar relacionados. O incendio do vehículo foi provocado e o propietario mantén vínculos con Abadín. O xulgado de Mondoñedo decidiu decretar o segredo das actuacións.