Tere Abelleira estréase como goleadora coa selección absoluta

Tere Abelleira marcou un soberbio tanto coa selección española. Foi a súa estrea co combinado español. Un gol que resulta familiar se lembramos a súa traxectoria. Tras desfacerse da defensa, a pontevedresa  bateu á meta chinesa. España goleou por 3-0 a China.

"Moi contenta co gol. Son dúas vitorias a 100 días do mundial, onde queremos chegar o máis lonxe posible"

Cabe destacar tamén o gol da exdeportivista Athenea del Castillo. Outro fermoso gol en acción individual. Alba Redondo pecharía o triunfo da formación de Jorge Vilda que supera estes dous amigables coa China e Noruega a cen días para o Mundial.