Thomas Heurtel será baixa por lesión ante o Real Madrid

O Leyma Básquet Coruña informou este venres de que o base francés Thomas Heurtel non entrará na convocatoria para o partido deste domingo contra o Real Madrid debido “a unha inflamación no xeonllo esquerdo”.

“O equipo médico está a traballar na súa recuperación e o club confía en que a evolución do xogador sexa positiva e permita contar coa súa participación na próxima convocatoria”, destaca o club laranxa no seu comunicado.

Heurtel debutou co equipo dirixido por Diego Epifanio a pasada fin de semana ante o UCAM Murcia, nun partido no que disputou algo máis de 15 minutos e promedió 4 puntos, 2 rebotes e 5 asistencias.

Con todo, Epifanio cre que teñen opcións ante o equipo de Chus Mateo.

"Xogar sen presión, mellorar porcentaxes, coidar o balón".

"Hai que evitar que corran. Que gañen polo talento, non polo noso mal traballo".