Tírase dende un cuarto piso o home que estaba atrincheirado tras agredir os pais en Bilbao

Tírase ao baleiro o home que estaba atrincheirado tras agredir os seus pais en Bilbao. Non faleceu, salvouno a lona de seguridade instalada polos bombeiros. Foi trasladado ao hospital.

Levaba varias horas pechado na vivenda ameazando con tirarse. Antes, agredira os seus pais con arma branca. Aínda que as feridas non son mortais, o matrimonio foi para o hospital.

A Ertzaintza investiga se este home é o mesmo que pola mañá caera co seu coche por un desnivel de catro metros no aparcadoiro do aeroporto e marchou deixando o coche abandonado.