Tráfico alerta dunha nova estafa: webs que ofrecen o carné sen exames

Tráfico alerta dunha nova fraude que vai a máis en España: páxinas web que ofrecen o carné de conducir sen examinarse. En teoría só hai que pagar, uns 800 euros. Pero é todo unha estafa.

Unha vez que reciben o ingreso, a web desaparece. A maioría das vítimas son inmigrantes que sacaron o carné noutro país e intentan homologalo.

Tráfico lembra que o permiso de conducir en España só se pode obter en centros autorizados.