Tres detidos tras desmantelar unha plantación de 500 plantas de marihuana en Vilanova de Arousa
Utilizaban a vivenda como laboratorio para o cultivo desta planta e era parte dunha rede que se dedicaba ao alugueiro de domicilios para a instalación de plantacións
Tres detidos tras desmantelar unha plantación con 500 plantas de marihuana/Policía Nacional
A Policía Nacional detivoa tres persoas tras desmantelar unha plantación con 500 plantas de marihuana en Vilanova de Arousa (Pontevedra). A investigación comezou no principio do ano, cando os axentes tiveron constancia de que nunha vivenda unifamiliar de Vilanova había unha plantación desta droga.
Segundo explica, a vivenda que estaba a ser utilizada como laboratorio clandestino para o cultivo desta planta era parte dunha rede que se dedicaba ao alugueiro de domicilios para a instalación de plantacións.
Así, contaba cunha instalación eléctrica completa de luces led e xeradores de corrente co cableado e puenteo á rede xeral; ademais de ventiladores, xeradores eléctricos, deshumificadores, ventiladores, potentes extractores e demais útiles necesarios para o mantemento óptimo da colleita.
Tras autorizar o Xulgado de Instrución número 1 de Vilagarcía a entrada no chalé, atopáronse no seu interior 500 plantas de marihuana e 25 quilos de material xa colleitado, cogollos e envasado ao baleiro.
Tamén material eléctrico e produtos químicos, así como material de cultivo, regadío e equipos de comunicación.
A investigación permitiu coñecer a identidade dos presuntos autores destes delitos, sendo detidas tres persoas, que pasaron a disposición xudicial.
