Dez mortos e 25 feridos en ataques contra sinagogas e igrexas en Daguestán (Rusia)
Dez mortos e 25 feridos en ataques contra sinagogas e igrexas en Daguestán (Rusia)
En Derbent os atacantes fuxiron, mentres que en Majachkalá axentes e extremistas enfrontáronse a tiros
Os ataques contra as igrexas acontecen no día en que os ortodoxos rusos celebran Pentecoste
![](https://img-g24-crtvg.flumotion.com/prog24/2024/20240623/RUSSIA-SHOOTINGSMAKHACHKALA-UGC_O__frame_1604.1719166457.32.jpg)
Polo menos tres persoas morreron e outras 16 quedaron feridas durante ataques perpetrados hoxe por descoñecidos contra dúas igrexas ortodoxas, unha sinagoga e un posto de tránsito nas cidades de Derbent e Majachkalá, na rexión de Daguestán, república rusa do Cáucaso.
"Arredor das 18:00 horas (15.00 GMT) en Derbent, descoñecidos tirotearon unha sinagoga e unha igrexa con armas automáticas", indicou a dependencia na súa conta de Telegram.
Interior engadiu que en Derbent, "morreu un axente da policía, outro está ferido". O Comité Nacional Antiterrorista de Rusia informou tamén que o sacerdote da igrexa ortodoxa morrera durante o tiroteo e declarou a alerta "para garantir a seguridade, deter os delitos terroristas e deter aos implicados no tiroteo".
Interior informou ademais doutro ataque perpetrado este domingo na cidade de Majachkalá, uns 110 quilómetros ao norte de Derbent, onde descoñecidos dispararon contra outra igrexa e unha garita de tránsito, matando a un policía e a un garda do templo, e ferindo a outros seis policías.
Posteriormente a policía ampliou a cifra de feridos en ambas as cidades ascendeu a 16 persoas. En Derbent os atacantes déronse á fuga, mentres que en Majachkalá os axentes da orde e os extremistas enfrontáronse a tiros.
Segundo as autoridades, dous atacantes morreron e outros dous foron detidos. Na televisión pública rusa difundíronse imaxes da sinagoga de Derbent envolta en lume e densas columnas de fume.
"O líder de Daguestán, Serguéi Mélikov, denunciou que estes atentados "son un intento de desestabilizar a situación" na república, e chamou a poboación desde Telegram a manter a calma.
A dirección de investigacións do Comité de Instrución en Daguestán incoou causas penais por atentado terrorista en relación aos ataques en ambas as cidades daguestanís. Os ataques contra as igrexas foi levado a cabo o mesmo día en que os ortodoxos rusos celebran Pentecoste.
O anterior ataque contra unha igrexa nesta república tivo lugar en febreiro pasado, cando un home armado disparou contra unha multitude de persoas que celebraban a festa rusa da Másletnisa, unha festividade similar ao Entroido, e cobrouse catro vidas.
O atacante foi abatido polas forzas de seguridade, tras o cal o grupo terrorista Estado Islámico asumiu a responsabilidade do suceso sen presentar probas.