Tres mortos nun accidente de tráfico na A-22 en Huesca

Tres persoas morreron nun accidente de tráfico rexistrado esta mañá na provincia de Huesca.
O accidente produciuse na autoestrada A 22, ao seu paso pola localidade de Castejón de Puente. 

O coche ardeu cos tres ocupantes dentro

Nese lugar, arredor das seis da mañá, un turismo saíuse da estrada e esnafrouse contra un muro de formigón. Tralo impacto o coche ardeu completamente, ocasionando a morte dos tres homes que ían dentro.

Descoñécese, ata o momento, a identidade dos tres falecidos

Polo momento descoñécese a identidade e lugar de procedencia dos tres falecidos. Este foi o segundo accidente con tres vítimas mortais deste verán en Huesca.