Un altercado nas Festas das Dores de Lalín deixa varios feridos leves

A liorta iniciouse nos arredores da praza Joaquín Loriga, en Lalín. Celebrábase o Día do Neno, dentro da programación das Festas das Dores. Entre a rapazada e os inchables, irrompiu un grupo de persoas -supostamente feirantes- proferindo berros e insultos. 

"Eran insultos, tacos, palabras fortes -explica unha testemuña-, notábase a tensión". Conta que a tensión foi escalando e que os insultos pasaron a máis. Houbo ameazas e agresións, e parece que varias persoas foron atendidas por cortes e contusións no centro de saúde. 

Inteviñeron a Policía Local e a Garda Civil. Hai xa unha denuncia interposta por danos e lesións, e a previsión é que se formalice outras nos próximos días.