Un aparatoso accidente mobiliza os servizos de emerxencias en Cambados

Un aparatoso accidente de tráfico mobilizou os servizos de emerxencias en Cambados. Un coche saíu da vía, colidiu contra unha marquesiña, un muro do peche dunha propiedade e un poste do tendido.

O condutor quedou atrapado no interior do turismo e tivo que ser liberado.

Sucedeu na madrugada pasada, na estrada PO-550 no lugar da Barca, en Castrelo. O home quedou ferido de xeito leve e foi trasladado a un centro médico polo persoal sanitario desprazado ao sinistro.