Un axente da Ertzaintza, detido por intentar agredir a súa dona e ameazar as súas fillas

Un axente da Ertzaintza foi detido en San Sebastián acusado de intentar agredir a súa dona cun coitelo de cociña. Presuntamente ameazou tamén con danar as súas dúas fillas.

A muller botoulle un spray de pementa na cara e fuxiu cunha das nenas, un bebé, en brazos. Pediu axuda aos axentes da Policía Vasca que estaban na garita do cárcere de Martutene.

Os feitos aconteceron de madrugada sen que as vítimas sufriran danos físicos. Os axentes que se desprazaron ata a vivenda detiveron o seu compañeiro, que se atopaba de baixa médica. Está acusado dun delito de violencia de xénero e de violencia doméstica.

Tras pasar a disposición xudicial foi posto en liberdade con medidas cautelares e coa obriga de comparecer cando sexa requirido pola autoridade xudicial.