Un buque portacoches que sufriu un incendio fronte ás nosas costas fondea nas Cíes
Un buque portacoches que sufriu un incendio fronte ás nosas costas fondea nas Cíes
Os 25 tripulantes que ían a bordo resultaron ilesos
O buque de Salvamento Marítimo "María Pita" escolta a embarcación
A embarcación "Grande California" fondeada nas Cíes
O buque portavehículos Grande California, no que se produciu un incendio nunha cuberta de carga este domingo, atópase xa no fondeadoiro das illas Cíes.
Salvamento Marítimo informa de que permanecerá inactivo durante 24 horas para asegurarse de que se extinguiu totalmente o incendio xa sufocado. Mentres, coordinado polo centro de Vigo da entidade, o buque María Pita mantén a escolta como medida preventiva.
Trátase dun portavehículos que circulaba a 6 millas do dispositivo de separación de tráfico de Fisterra cando se iniciou un lume na cuberta da carga.
No barco navegaban 25 tripulantes e ningún resultou ferido. Ademais, Salvamento sinalou que a máquina da embarcación tampouco se viu afectada.
El buque cochero Grande California está ya en el fondeadero de las Islas Cíes, donde permanecerá inactivo durante 24h para la comprobación de la extinción total del incendio ya sofocado.
— SALVAMENTO MARÍTIMO (@salvamentogob) February 19, 2023
Coordinado por centro #Vigo nuestro buque María Pita le escolta como medida preventiva. pic.twitter.com/AC2h1VqSR5
