Un camión de vehículos clásicos queda atascado nunha ponte do Carme de Abaixo

Un tráiler con matrícula portuguesa que transportaba vehículos clásicos quedou atrapado na tarde deste venres nunha ponte de pedra que atravesa o río Sarela, no barrio compostelán do Carme de Abaixo.

O feito puido estar producido por unha confusión do condutor ou por unha infracción de circulación, xa que hai un sinal ao comezo da ponte que prohibe a circulación de vehículos pesados. A Policía Local desprazouse ata o lugar do suceso tras unha chamada dun cidadán informando sobre a situación.