Cargando resultados...
Un camión perde un cargamento de vigas de formigón na estrada en Ames
Un camión perde un cargamento de vigas de formigón na estrada en Ames
Seis vigas de 2.200 kg cada unha quedaron atravesadas nos dous carrís da estrada Negreira-Bertamiráns
O suceso non deixa feridos, pero provocou retencións de tráfico
G24.gal
15/01/2024 10:53
O camión envorcou parte da súa carga sobre o asfalto por causas que non transcenderon. Seis vigas de 2.200 quilos de peso cada unha caeron do transporte e invadiron os dous carrís da estrada que une Negreira con Bertamiráns, á altura de Trasmonte, no concello de Ames.
Unha ambulancia que viña de fronte non puido evitalas e pasou por riba delas, polo que o vehículo quedou moi danado.
O suceso provocou retencións e tráfico lento por mor dos traballos de retirada das estruturas nunha vía con densidade de circulación alta. Afortunadamente, non se rexistraron feridos.
