Carreira de orientación na Coruña co gallo do día das Forzas Armadas

Máis dun cento de menores tomaron a saída na carreira de orientación que tivo como escenario o parque de Bens da Coruña.

Armados cos seus mapas, enfrontáronse a un percorrido de 1.500 metros salpicado de obstáculos e de retos. Algunhas nais e pais sumáronse á proba, porque tamén se trataba diso, de pasar un bo anaco en familia facendo algo de deporte ao aire libre.

A carreira forma parte do programa de actos e actividades organizados na cidade co gallo do Día das Forzas Armadas.