Un cento de escritores xúntanse na Feira do Libro da Coruña

Este mediodía abría as súas portas a Feira do Libro da Coruña. Un cento de autores e autoras daranse cita neste evento literario. A primeira delas foi a escritora local de literatura xuvenil Andrea Maceiras, que foi a encargada de ler o pregón. 

Nesta edición participan preto dunhas 40 librerías e editoriais. Ademais de visitar as súas casetas, hai programadas numerosas actividades, coma as tradicionais sinaturas dos autores, charlas, recitais e debates. A feira durará ata o 10 de agosto.

"Eu tamén coincido en que é a mellor feira do libro que existe en Galicia e das mellores de España. Galicia é a segunda comunidade autónoma que máis librerías ten de toda España e seguimos recibindo informes sobre os hábitos lectores que nos permiten albergar certa esperanza e ilusión no ámbito de literatura", dixo na inauguración o conselleiro de Cultura, José López Campos.