Un coche eléctrico compartido, iniciativa dunha aldea de Lousame pioneira en España

É a primeira iniciativa de mobilidade eléctrica comunitaria de toda España: un coche eléctrico para compartir entre os veciños. Organízanse para usalo a través dunha aplicación de móbil e teñen previsto recargalo nunha planta de enerxía solar. Esta iniciativa lévase a cabo na aldea de Froxán, en Lousame, unha comunidade enerxética que produce e consome a súa propia enerxía eléctrica.

A Deputación da Coruña financioulles o 80 % deste coche que roda con enerxía propia e que, pioneiro en España, quere ser un exemplo de redución de emisións e tamén de aforro económico. A idea é tamén "demostrar que funcione, que se pode escalar e buscar as formas para que en comunidades máis grandes tamén se poida facer", di Joám Evans, director da Fundación Montescola.