Un concurso de costura premia en Arteixo a persoa máis rápida cosendo á máquina
Un concurso de costura premia en Arteixo a persoa máis rápida cosendo á máquina
O tempo máis curto situouse en 35 segundos e houbo premio para os tres primeiros postos
Aquí gaña a persoa que menos tempo empregue en coser á máquina, punteando, sobre unha cinta composta varios tecidos diferentes: vaqueiro, chapa, lycra e tule.
En total hai que darlle cinco voltas. Non serve coser de calquera xeito. As regras din que non se pode saír da tea, nin romper a agulla nin o fío.
Quen compite conta cunha pequena axuda: a propia máquina, dotada dun chip que detecta o tipo de tecido.
"A medida que vai cosendo vai detectando material e grosor e a máquina vai reaxustándose automaticamente", explica José María Pairó, da empresa organizadora do concurso.
O desafío tamén deu conta da afección que hai na comarca pola costura.
O tempo récord situouse en 35 segundos e houbo premio para os tres primeiros postos.
