Un condutor de Lugo perde todos os puntos do carne

En Lugo, un condutor enfróntase a mil douscentos euros de multa e á retirada de 14 puntos do permiso de conducir por fuxir dos axentes, conducir ebrio e por condución temeraria. Os feitos ocorreron tras un partido do Club Deportivo Lugo, cando o home non fixo caso dos sinais dos axentes de policía que estaban a regular o tráfico. 

Os policías iniciaron unha persecución e cando conseguiron interceptalo, na rúa Afonso X o Sabio, fixéronlle a proba de alcoholemia e o condutor deu positivo.

Durante a inspección os axentes tamén atoparon varias infraccións graves relacionadas, entre outras, cos espellos retrovisores, iluminación e freos.