Un desprendemento de terra obriga a interromper o tren Ferrol-Ortigueira
Un desprendemento de terra obriga a interromper o tren Ferrol-Ortigueira
O desprendemento sucedeu entre Cerdido e o núcleo de Ponte Mera, no concello de Ortigueira
O Adif estableceu un plan alternativo de transporte por estrada entre ambas as localidades
![](https://img-g24-crtvg.flumotion.com/prog24/2024/20240519/trenFerrolFeve.jpg)
O Administrador de Infraestruturas Ferroviarias (Adif) anunciou este domingo a interrupción do servizo de trens entre os municipios de Cerdido e Ortigueira, na comarca coruñesa de Ortegal, tras un desprendemento de terra sobre a vía.
A incidencia afecta a prestación ferroviaria de Ancho Métrico, o vello Feve, que comunica a cidade de Ferrol coa costa da provincia de Lugo e o Principado de Asturias.
O desprendemento produciuse no treito comprendido entre Cerdido e o núcleo de Ponte Mera, no concello de Ortigueira, e obrigou a establecer un plan alternativo de transporte por estrada entre ambas as localidades, dirixido a usuarios dos trens de Media Distancia e Proximidades de Ferrol a Ortigueira.