O Día de Rosalía vaise celebrar a partir deste ano o 23 de febreiro

A partir deste ano o Día de Rosalía cambiará de data. A celebración non será o 24 de febreiro, senón o 23. Así o acordaron hoxe unanimemente os representantes de varias entidades culturais galegas convocadas pola Fundación Rosalía. A decisión baséase nun descubrimento recente da investigadora Sagrario Abelleira que modifica a data de nacemento da escritora.

Sagrario Abelleira, investigadora, explica:

"Eu penso que é irrefutable, porque é unha declaración en primeira persoa da nai de Rosalía ante notario, isto fai que a contundencia da información sexa moita".