Un enxeñeiro galego crea tres apps premiadas que facilitan os trámites coa Administración
Un enxeñeiro galego crea tres apps premiadas que facilitan os trámites coa Administración
Gabriel Cid conseguiu o galardón á mellor iniciativa emprendedora que outorga o Colexio Profesional de Enxeñaría Informática de Galicia
O obxectivo das tres aplicacións para o móbil é facer máis accesible a relación coas administracións públicas
O labirinto da administración electrónica provoca nos cidadáns, bastante a miúdo, unha sensación de dispersión e confusión. O enxeñeiro informático Diego Cid propúxose paliar este problema con tres aplicacións para o telefono móbil. A principal chámase Tr@mite e a súa virtude é que coa simple descarga temos acceso no móbil a moitos trámites centralizados mediante DNI electrónico, cl@ve ou certificado dixital.
"Hai preto de trescentos trámites directos. Pódese acceder, por exemplo, á declaración da renda, consultar as anteriores, un certificado de estudos, as multas que tes na DXT, ben, cun montón de administracións, certificados de empadroamento de diferentes municipios que o teñan habilitado en Internet".
As outras dúas aplicacións deseñadas por este enxeñeiro permiten asinar documentos PDF desde o móbil ou consultar o estado dun certificado dixital e dun DNI electrónico.
Unha das preguntas posibles é se estas ferramentas dixitais segregan por idade ou se son utilizables tamén pola xente maior:
"A pandemia sérvenos de exemplo de que os maiores aprenderon a usar whatsapp para poder ter as videoconferencias cos netos. Entón, por que non van poder aprender se se lles explica e se lles facilita o acceso a estes trámites?
En definitiva, a cultura do procedemento administrativo ofrece unha nova variante que ten a virtude de unificar trámites nun ámbito moi fragmentado.
