Morre un piloto dun F-18 do Exército que se estrelou en Teruel
Morre un piloto dun F-18 do Exército que se estrelou en Teruel
Defensa informara de que activaran os medios de rescate para tratar de dar con el, pero finalmente certificaron o seu falecemento
Efectivos da Garda Civil nas inmediacións do lugar do sinistro (EFE/Antonio García)
O piloto dun avión caza F-18 do Exército do Aire faleceu este venres preto de Teruel logo de estrelarse coa aeronave militar.
O falecido é o tenente coronel Pablo Estrada Martín, destinado na Ala 12 do Exército do Aire.
O sinistro produciuse contra ás 12:30, na localidade de Peralejos, situada a uns 18 quilómetros da capital provincial.
A través da súa conta na rede social X (antes Twitter), o Exército do Aire e do Espazo precisaba ao informar do accidente de que os medios de rescate xa foran activados e que buscaban o piloto da aeronave. Finalmente, noutra mensaxe, certificaron o seu falecemento.
🔴 ÚLTIMA HORA | Lamentamos comunicar que se ha confirmado en el accidente del F-18 el fallecimiento de nuestro compañero, el teniente coronel Pablo Estrada Martín, destinado en el Ala 12.
— Ejército del Aire y del Espacio (@EjercitoAire) October 4, 2024
Nos unimos al dolor de sus familiares y amigos. Descansa en paz, compañero. pic.twitter.com/OUim93TANr
A Ala 12 é unha unidade militar con avións de caza do Mando Aéreo de Combate do Exército do Aire. Ten as súas instalacións na Base Aérea de Torrexón de Ardoz.
Nado en setembro de 1974, o tenente coronel Estrada Martín, exercía como xefe das Forzas Aéreas da unidade e contaba con máis de 2.300 horas de voo, case mil delas en avións como o que pilotaba este venres.
O de hoxe é o cuarto falecido en España nun destes avións de combate desde que entraran en servizo en 1986. O anterior sinistro mortal producírase en 2017, na base aérea de Torrexón, debido a unha perda de potencia da aeronave durante a manobra de engalaxe.
.png)
