Rematan o Camiño dende Roncesvalles en bicicletas adaptadas

Entre as 400.000 persoas que culminaron este ano o camiño de Santiago está un grupo moi especial que remata a súa aventura este sábado. Pertence ao proxecto Discamino, liderado por Javier Pitillas, para poder facer a ruta en bicicletas adaptadas.

Non todas as persoas participantes fixeron os 700 quilómetros que separan Roncesvalles de Compostela. Porén, hai unanimidade á hora de cualificar a experiencia como "marabillosa". 

A escasos quilómetros da meta, a emoción apréciase nas miradas. Mesmo na de Pitillas, que xa acompañou 72 expedicións coma esta. Discamino naceu en 2009 co único propósito de cumprir o soño peregrino de persoas con diversidade funcional.